Ігар Бабкоў, аўтар раману «Адам Клакоцкі ды ягоныя цені», у ліку сямі іншых літаратараў, у гэтую суботу пазмагаецца за прэстыжную літаратурную прэмію Angelus. Урачыстая цырымоніі ўручэння прэміі адбудзецца ў польскім горадзе Ўроцлаў.
«Ва Уроцлаве з літаратурнай прэміі робяць шоу, — кажа Ігар Бабкоў. — Наколькі мне вядома, цырымонія будзе аздобленая святло-музыкай, танцоўшчыкамі і зачытваннем тэатральнымі акторамі ўрыўкамі з твораў намінантаў, а таксама драматычным расканвертаваннем капэртаў з імем пераможцы».
Прэмія Angelus прызначаецца пісьменнікам, якія паходзяць з Сярэдняй Еўропы, і ў тым ліку з Польшчы, якія змаглі «ўздняць у сваёй творчасці пільнейшыя пытанні сучаснасці, заахвочвіць чытача да роздуму, паглыбіць веды пра свет іншых культур». Каб намінавацца на гэтую прэмію літаратару неабходна мець кнігу, выдадзеную ў перакладзе на польскую.
 |
Раман «Адам Клакоцкі і ягоныя цені» летась быў выдадзены ў Варшаве па-польску ў перакладзе Малгажаты Бухалік. Па-беларуску раман выйшаў у 2001 годзе ды зрабіўся вяхой у айчыннай інтэлектуальнай прозе, але стаў, як пісала тады крытыкі, «першай беларускай кнігай не для ўсіх».
У Бабкова — 6 спаборнікаў, сярод якіх такія вядомыя літаратары, як баснійска-харвацкі пісьменнік Міленка Ергавіч і чэшскі пісьменнік Ёзэф Шкворацкі.
Урыўкі рамана (у арыгінале) можна прычытаць :
