Супрацоўнікі ДАІ спынілі машыну і затрымалі журналістку Юлію Дарашкевіч, калі яна па рэдакцыйным заданні ехала на сустрэчу са Змітром Дашкевічам. Затрыманне доўжылася паўгадзіны.
Фотакарэспандэнт «НН» Юлія Дарашкевіч была затрыманая ў панядзелак, а 14:30 у раёне плошчы Незалежнасці.
Супрацоўнікі ДАІ спынілі машыну і затрымалі Юлію, калі яна па рэдакцыйным заданні ехала на сустрэчу са Змітром Дашкевічам.
Перад гэтым Юлія па тэлефоне сказала калегу, куды яна едзе.
Юлія расказала, што супрацоўнік ДАІ патлумачыў ёй, быццам «ёсць праблема» з яе машынай, маўляў, на яе ёсць адпаведная «арыенціроўка» і цяпер журналістцы «пагражае адміністрацыйнае затрыманне». Пазней высветлілася, што падазравалася падмена нумару кузава.
Юлія ўпэўненая, што была затрыманыя пасля таго, як паведаміла, што едзе на сустрэчу з Дашкевічам. Супрацоўнікі ДАІ паводзілі сябе з фотакарэспандэнткай ветліва і карэктна.
У 15.00, пасля праверкі нумару кузава аўтамабіля, Юлію адпусцілі. «Ну вы ж усё разумееце», — сказаў Юліі на развітанне супрацоўнік ДАІ.
Цяпер чытаюць
Як склаўся лёс выпускнікоў, якімі журфак ганарыўся 10 гадоў таму? Гісторыя аднаго ўрачыстага калажа29
Каментары