Прызначаны Масквой прэзідэнт Чачні Рамзан Кадыраў у інтэрв’ю выданню The Telegraph заявіў, што Грузія і Украіна з’яўляюцца хваробай Расіі, якую патрэбна выкараніць — пераходзіць у наступ.
На думку прэзідэнта Чачні, мінулагодні напад Грузіі на Паўднёвую Асецію быў часткай антырасійкай змовы заходніх краін па захопе ўсяго Каўказу.
У сувязі з гэтым Кадыраў заклікаў урад Расіі выпрацаваць стратэгію, бо, на ягоную думку, неабходна пераходзіць у наступ.
«Грузія, Паўднёвая Асеція, Украіна — усё гэта будзе працягвацца і працягвацца. Гэта прыватная хвароба Расіі. Чаму мы павінны заўсёды пакутаваць, калі мы можам ліквідаваць гэтую праблему? Мы вялікая краіна, у нас ёсць усё: войска, тэхналогіі. Нам неабходна пераходзіць у наступ», — заявіў прэзідэнт Чачні. «Газета.Ru»
0
0
0
0
0
0