Будзе болей рэйсаў у Рыгу 6

З 19 студзеня нацыянальная авіякампанія «Белавія» адкрывае рэгулярны рэйс па маршруце Мінск — Рыга — Мінск.

У гэты момант маршрут паміж сталіцамі Беларусі і Латвіі забяспечваецца нацыянальнай латвійскай авіякампаніяй airBaltic. З адкрыццём дадатковага рэйса нацыянальнай беларускай авіякампаніі колькасць вылетаў павялічыцца

да дзесяці рэйсаў у тыдзень.

Рэйсы «Белавія» будуць выконвацца па аўторках, пятніцах і нядзелях на самалётах CRJ‑100/200.

Вылеты з Мінска — у 13.20, з Рыгі — у 15.15.

Час у шляху складзе 65 хвілін.

Рэйсы airBaltic выконваюцца штодзень на самалётах Fokker 50. Вылет з Мінска — у 8.20, з Рыгі — у 19.00.

Час у шляху з беларускай на латвійскую сталіцу складае 1 гадзіну 20 хвілін, назад — 1 гадзіну 15 хвілін.

tio.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ