Грамадства2121

«Чэкіст», ветэран ці шпіён ГУР? Магчыма, у Польшчы выкрылі яшчэ аднаго агента беларускага КДБ

На «Радыё Рацыя» ўчора была апублікаваная размова з Вячаславам Галагуцкім. Мужчыну прадставілі як «прадпрымальніка, кандыдата навук, выкладчыка тэхнічнага ўніверсітэта», асуджанага двойчы за актыўную грамадзянскую пазіцыю, пацярпелага ад рэпрэсій, які змог пакінуць Беларусь. Але «Новы Час» знайшоў іншыя звесткі пра гэтага чалавека. На гэты момант артыкул з сайта «Рацыі» выдалены, аднак выданне лічыць неабходным расказаць чытачам, хто такі насамрэч Вячаслаў Галагуцкі і чаму не варта яму давяраць.

Вячаслаў Галагуцкі, фота з сайта Радыё Рацыя
Вячаслаў Галагуцкі. Фота з сайта Радыё Рацыя

«Новы час» распытаў Карыну (імя зменена), арэндадаўцу жытла ў Варшаве, дзе жыў Вячаслаў, і ягонага знаёмага Кірыла (імя зменена), які меў з ім кантакт некалькі апошніх тыдняў.

Вось што расказала Карына:

«Адзін з нашых жыльцоў сказаў, што ў яго ёсць сябар, і запытаў, ці можна, каб гэты сябар прыехаў і таксама жыў у нас. Мы згадзіліся.

Вячаслаў Галагуцкі прыехаў, засяліўся, і мы даведаліся, што ён ходзіць з мыліцай і кульгае на адну нагу. Мы ў яго запыталі, што з нагой. Ён сказаў, што ваяваў у Палку Каліноўскага, падарваўся на міне «пялёстак». І дадаў, што ў яго ампутаваная палова ступні — засталіся пятка і пару пальцаў. 

З дакументаў у яго было часовае пасведчанне — ён падаваўся на міжнародную абарону, казаў, што ў яго было некалькі адміністратывак у Беларусі. Яшчэ ён паказваў шалік і шаўрон, казаў, што служыў у батальёне «Тэрор» і меў пазыўны «Змей». Мы вельмі пранікліся гэтай гісторыяй, прынялі яго, пасялілі на першым паверсе.

Я пазваніла свайму знаёмаму з Фонду ветэранаў, які служыў у Палку Каліноўскага, а цяпер заснаваў фонд для дапамогі. Я распавяла пра Вячаслава, каб яму аказалі падтрымку па магчымасці.

Мой знаёмы прыехаў, агледзеў нагу Вячаслава і прасіў паказаць дакументы аб раненні. У Вячаслава не было такіх папер. Мой знаёмы яго сфатаграфаваў, пасля здымкі разаслалі ў Полк Каліноўскага, там яго ніхто не мог апазнаць.

Ён шмат піў, і я яго папярэдзіла, што калі ён працягне так выпіваць, то нам прыйдзецца развітацца.

І раптоўна мне пазваніў чалавек, які прадставіўся пляменнікам Вячаслава. Ён сказаў, што ўсе сваякі Галагуцкага хочуць, каб ён вярнуўся ў Мінск, але ён збег. Чаму так здарылася, ён не патлумачыў.

Я, канешне, запытала, чаму яго кінулі, калі ён ваяваў, дзе яго сябры, знаёмыя якія-небудзь. І пляменнік мне адказаў: «Слава нідзе не ваяваў, гэта дакладна, а што з яго нагой, будуць высвятляць дактары, ён кладзецца ў бальніцу».

Яшчэ пляменнік сказаў, што ў Беларусі Галагуцкі працаваў на высокай пасадзе ў нейкай прыватнай фірме і што ў яго багатая сям’я.

Неўзабаве пасля гэтага тэлефанавання Вячаслаў з’ехаў і лёг у бальніцу».

Паралельна з падзеямі, пра якія расказвае Карына, Вячаслаў камунікаваў з адным жыльцом — Кірылам (імя зменена), які, чым больш з ім размаўляў, тым больш стаў падазраваць у Галагуцкім шпіёна. Вось чым падзяліўся з «Новым часам» Кірыл:

«Я задаваў яму пытанні пра яго жыццё, яго ўдзел у пратэстах у Беларусі, а ён часта не мог адказаць, ці ягоныя адказы былі блытаныя, было шмат несупадзенняў.

Адзін раз у мяне была магчымасць паглядзець яго тэлефон, і я знайшоў перапіску з чалавекам, хутчэй за ўсё, агентам КДБ. Там былі прапісаныя заданні. Маўляў, табе трэба ўкараніцца ў дыяспару, цісні на шкадобу, прасі падтрымкі ў фондах, збірай гранты. А яшчэ яму трэба было даведацца, як фінансуецца РДК (Расійскі добраахвотніцкі корпус), адкуль там падтрымка.

У перапісцы я прачытаў пра непакой Вячаслава наконт яго «легенды», на што быў адказ: «Не хвалюйся, мы цябе абвесцім у міжнародны вышук, і ўсё будзе ок». Яшчэ там былі парады выдаляць усю перапіску, абмяркоўвалася эвакуацыя з Польшчы.

Я знайшоў у тэлефоне Галагуцкага фота прысуду ад 2023 года — там было напісана, што ён намеснік дырэктара прыватнай фірмы, на жаль, я не запомніў назву. Паводле дакумента, ён у стане алкагольнага ап’янення накінуўся на аўтамабіль з расійскімі нумарамі і пашкодзіў яго. Ніякіх дакументаў, фота, звязаных з пратэстамі, я ў яго тэлефоне не знайшоў.

Магчыма, што калі яго злавілі і судзілі за гэты ўчынак, яго і завербавалі. Я расказаў усё гэта Карыне, каб яна ведала, што гэта за чалавек».

Карына дадае, што Вячаслаў званіў ёй перад выпіскай з бальніцы. Яна папрасіла яго забраць рэчы і з’ехаць, таму што адкрыліся вось такія непрыемныя факты — што ён працуе на беларускі КДБ. 

«У адказ Галагуцкі стаў крычаць у трубку, што мы ўсе ненармальныя і нас трэба здаць у псіхушку, — кажа Карына. — Я яго запытвала: дык чаму вы хлусілі, што ваявалі? Вас ніхто не апазнаў, вас ніхто не ведае. Пазней мой знаёмы з фонду паказаў фота нагі Вячаслава медыкам — яны сказалі, што гэта наступствы запушчанага дыябету. 

Галагуцкі пачаў мне казаць, што ён тайны агент ГУР. У выніку мы развіталіся, і больш ён мне не званіў».

«Новы Час» паспрабаваў праверыць звесткі пра тое, што Вячаслаў Галагуцкі з’яўляецца выкладчыкам і кандыдатам навук. «Прагугліўшы» яго імя і прозвішча, журналісты не змаглі знайсці ніякіх матэрыялаў, спасылак на артыкулы, інфармацыі пра ўдзел у навуковых канферэнцыях — звычайны «электронны след» у сеціве любога выкладчыка, нават рэпрэсаванага.

Каментары21

  • bąć czujny chłopak
    04.04.2024
     
      можно только предполагать сколько их тут... Всех мастей и происхождений....А сколько "лежит" на дне.
  • А я вам говорил
    04.04.2024
    Вот и обменный фонд можно начинать формировать...
  • Wayback Machine
    04.04.2024
    Захаваная копія ягоных фантазій: https://web.archive.org/web/20240403121948/racyja.com/by/hramadstva/vjacaslau-halahucki-na-tvary-ne-bylo-zyvoha-mesca/

Стала вядома пра арышт гісторыка Ігара Мельнікава16

Стала вядома пра арышт гісторыка Ігара Мельнікава

Усе навіны →
Усе навіны

«Калі б мне плацілі — сядзела б і чытала людзям кнігі, нават за малыя грошы». Інтэрв’ю з актрысай Зояй Белахвосцік2

У возеры Свіцязь забаранілі купацца. У чым прычына?1

Mercedes урэзаўся ў Fiat, а пасля збіў двух чалавек

Трамп стаў найстарэйшым кандыдатам на пасаду прэзідэнта ЗША ў гісторыі5

Мінск апынуўся ў топе самых танных гарадоў свету — за жыллё трэба плаціць у 10 разоў менш, чым у Нью-Ёрку7

Першыя праблемы беларусаў на Алімпіядзе ў Парыжы. Весляры ўжо там, а лодкі не прапусцілі 

Топавы амерыканскі часопіс спрагназаваў, колькі беларусы заваююць медалёў на Алімпіядзе. У расіян будзе нуль

Харыс заручылася дастатковай падтрымкай для вылучэння кандыдатам у прэзідэнты

«50 гадзін у апошняй дыктатуры Еўропы». У Беларусь прыехалі мегапапулярныя блогеры з ЗША і Канады — вось навошта17

больш чытаных навін
больш лайканых навін

Стала вядома пра арышт гісторыка Ігара Мельнікава16

Стала вядома пра арышт гісторыка Ігара Мельнікава

Галоўнае
Усе навіны →