Міністэрства ўнутраных спраў абвесціла конкурс на найлепшы тэкст для гімна МУС. Газета «Міліцэйскі веснік» прапанавала на суд чытачоў тры варыянты, адзін з якіх — па-беларуску.
«Шмат слаўных традыцый, шмат прыкметных падзей у гісторыі, шмат яркіх атрыбутаў ёсць у нашай міліцыі. Не хапае, мабыць, аднаго, але вельмі важнага — свайго гімна», — цытуе сайт Міністэрства ўнутраных спраў ведамасную газету «Міліцэйскі веснік». Міністэрства абвесціла конкурс на лепшы тэкст для гімна МУС. «МВ» размясціў у адным з нумароў тры варыянты тэкстаў, адзін з якіх — па-беларуску. Газета прапануе далучацца сваіх чытачоў, свае тэксты можна дасылаць на адрас рэдакцыі: 220036, г. Мінск, вул. К. Лібкнехта, 57, з пазнакай «Выбар Гімна МУС».
Песня супрацоўнікаў беларускага МУС
Ёсць будынак у цэнтры сталіцы,
Бачыў кожны яго беларус.
Людзі кажуць, што гэта міліцыя,
Але ў доме размешчана МУС.
Прыпеў:
Па краіне ўсёй да раёна
Дзень і ноч супрацоўнікі МУС
Заступаюць на варту Закона,
Адхіляюць людзей ад спакус.
Па Статуту для нас неабходнасць
Грамадзянам, Радзіме служыць.
Мужнасць трэба і гонар, і годнасць,
Працаваць каб пачэсна і жыць.
МУС спрыяе ўсіх службаў адзінству,
Што на варце Закона і праў.
Гэта цэнтр барацьбы са злачынствам —
Міністэрства ўнутраных спраў.
Прыпеў.
Жыхары ў краіне засведчаць
Крымінальнага вышуку плён.
Паставы, участковы ці следчы —
Кожны свой праслаўляе раён.
Прыпеў.
***
З астатнімі варыянтамі можна азнаёміцца тут.
