Грамадства1010

«Хацелі прыцягнуць увагу да выбараў у КР». Байпол адказаў на крытыку выкарыстання чат-бота плана «Перамога»

Байпол апублікаваў адказ на крытыку выкарыстання чат-бота плана «Перамога»: уночы яго ўдзельнікі атрымалі заклікі ўдзельнічаць у выбарах у КР і падтрымаць спіс №5 «Закон і правапарадак». 

У адказе Байпол паведамляе, што спісы тых, хто запісаўся ў план «Перамога» і тых, хто пацвердзіў сваю гатоўнасць да актыўнага супраціву, адрозніваюцца. 

«Усе, хто пацвердзіў сваю гатоўнасць да актыўнага супраціву, пераведзены ў іншыя каналы камунікацый у мэтах бяспекі. Але ў чат-боце плана «Перамога» застаюцца дзясяткі і дзясяткі тысяч неабыякавых беларусаў». Менавіта яны і атрымалі рассылку. 

«З прычыны таго, што апошняя рассылка задзейнічала вялікую колькасць карыстальнікаў плана «Перамога», і для многіх дадзенае паведамленне стала першым у чат-боце, разумеем гэта выклікала рэзананс. Як следства, СМІ звярнулі ўвагу на нашу апошнюю рассылку, выстаўляючы яе ў негатыўным святле», — гаворыцца ў прэс-рэлізе.

Менавіта да гэтай аўдыторыі звярнуўся Байпол з заклікам удзельнічаць у выбарах у Каардынацыйную раду, бо «ўцягнутасць беларусаў у першыя дэмакратычныя выбары ў XXI стагоддзі — важны сігнал і ўсім нам, і міжнароднай супольнасці аб тым, наколькі беларусы не «перавярнулі старонку» з 2020-га года».

«Менавіта з усведамленнем гэтага абсалютная большасць беларускіх палітыкаў і актывістаў пайшлі на выбары ў Каардынацыйную раду, нягледзячы на ўсе рызыкі і рэпрэсіі, якімі пагражаў і ўжо пачаў рэалізоўваць рэжым», — піша Байпол, дадаючы, што СМІ «не праявілі такой жа актыўнасці ў асвятленні тэмы выбараў і прыцягненні шырокай аўдыторыі да выбараў у Каардынацыйную раду».

«Менавіта таму для прыцягнення ўвагі арміі неабыякавых беларусаў да такіх важных для ўсяго беларускага дэмакратычнага руху выбараў быў выкарыстаны чат-бот плана «Перамога» сёння», — тлумачыць Байпол.

Арганізацыя ніяк не пракаментавала, што падвергла рызыцы людзей у Беларусі. 

Каментары10

  • 22.05.2024
    Азаров павінен атрымаць чорны знак ад беларусаў.
  • Галя з Камароу́кі
    22.05.2024
    Увагу губазікау́? Гэта атрымалася. Пайду торбу збяру.
  • Тарас
    22.05.2024
    «Усе, хто пацвердзіў сваю гатоўнасць да актыўнага супраціву, пераведзены ў іншыя каналы камунікацый у мэтах бяспекі. Але ў чат-боце плана «Перамога» застаюцца дзясяткі і дзясяткі тысяч неабыякавых беларусаў». Менавіта яны і атрымалі рассылку.

    То бок пытанні бяспекі неабыякавых беларусаў для Азарава нецікавыя? Малайчына! Дарэчы, губазікаўскія інфасметнікі сёння не спыняюць падзякі Азараву. Як для мяне - гэта палітычны канец Азарава, Байпола і "плана "Перамога". Хаця "план "Перамога" імаверней за ўсё заўсёды была фантомам, які пэўны час паспяхова скармліваўся дэмакратычнаму руху Азаравым.

Стала вядома пра арышт гісторыка Ігара Мельнікава16

Стала вядома пра арышт гісторыка Ігара Мельнікава

Усе навіны →
Усе навіны

«Калі б мне плацілі — сядзела б і чытала людзям кнігі, нават за малыя грошы». Інтэрв’ю з актрысай Зояй Белахвосцік2

У возеры Свіцязь забаранілі купацца. У чым прычына?1

Mercedes урэзаўся ў Fiat, а пасля збіў двух чалавек

Трамп стаў найстарэйшым кандыдатам на пасаду прэзідэнта ЗША ў гісторыі5

Мінск апынуўся ў топе самых танных гарадоў свету — за жыллё трэба плаціць у 10 разоў менш, чым у Нью-Ёрку7

Першыя праблемы беларусаў на Алімпіядзе ў Парыжы. Весляры ўжо там, а лодкі не прапусцілі 

Топавы амерыканскі часопіс спрагназаваў, колькі беларусы заваююць медалёў на Алімпіядзе. У расіян будзе нуль

Харыс заручылася дастатковай падтрымкай для вылучэння кандыдатам у прэзідэнты

«50 гадзін у апошняй дыктатуры Еўропы». У Беларусь прыехалі мегапапулярныя блогеры з ЗША і Канады — вось навошта17

больш чытаных навін
больш лайканых навін

Стала вядома пра арышт гісторыка Ігара Мельнікава16

Стала вядома пра арышт гісторыка Ігара Мельнікава

Галоўнае
Усе навіны →