Меркаванні22

Чаму Лукашэнка папракаў сваіх прапагандыстаў за тэму Украіны?

На медыяфоруме, дзе сабраліся супрацоўнікі дзяржаўных СМІ, Аляксандр Лукашэнка раскрытыкаваў некаторых прапагандыстаў. Ён сказаў, што тыя лаюць усіх і ўся, не разабраўшыся. «Ну што вы ўвесь час трэплеце гэтую Украіну? Вы ж не забывайцеся пра тое, што калісьці нам давядзецца з імі наладжваць адносіны». «Наша Ніва» спытала ў аналітыка Аляксандра Фрыдмана, што могуць азначаць падобныя заявы.

Аляксандр Лукашэнка і Уладзімір Зяленскі падчас сустрэчы ў Жытоміры, 4 кастрычніка 2019 года. Фота: Pyotr Sivkov/TASS

Экспромт або загадзя падрыхтаваная прамова?

Аналітык Аляксандр Фрыдман лічыць, што не варта перабольшваць значэнне гэтых заяў і спадзявацца, што дзяржпрапаганда пачне працаваць па стандартах журналістыкі.

«Прынамсі з таго, што нам паказвалі, гэта ўсё больш нагадвала дыялог вельмі старога чалавека, які распавядае пра свой уласны досвед, назіранні, свае ўласныя ўражанні і ўспрыманне. Гэта не выглядала так, што ён раздае нейкія загады», — адзначае Фрыдман.

Аналітык мяркуе, што калі трэба, то прапагандысты атрымліваюць загады, дзе ўсё абсалютна дакладна вызначана, як расстаўляць акцэнты, як паказваць вось гэта і гэта.

«Тут больш падобна да таго, што яму асабіста нешта не спадабалася, ці ён палічыў, што гэта залішняе, бо напады на Украіну сапраўды ўзмацніліся.

Магчыма, нешта закранула яго асабіста, калі ішлі нейкія абразы ў бок украінцаў, бо ён любіць казаць, што мае ўкраінскія карані. Магчыма, у той момант Лукашэнка проста прыгадаў нешта такое, бо яго прамова не выглядала, як нешта праграмнае і падрыхтаванае».

@nashaniva Лукашэнка параіў Азаронку апусціцца на зямлю #лукашэнка #беларусь #нашаніва #беларусьновости #пропаганда #азаренок #беларускаямова ♬ Funny Guy - Parry Music

Рэакцыя на словы Лукашэнкі мусіць быць

Таксама Аляксандр Фрыдман адзначае, што заявы Лукашэнкі гучалі даволі супярэчліва, бо з аднаго боку ён накідваўся на так званую «аўтарскую журналістыку», а з іншага — некалькі разоў хваліў Азаронка і Мукавозчыка.

Рыгор Азаронак. Фота: скрын стрыму

Пры гэтым гісторык не адмаўляе, што некаторыя змены могуць адбыцца, паколькі ў персаналісцкіх дыктатурах абавязкова мусіць быць рэакцыя на словы дыктатара.

«Паколькі ён не сказаў, як яму дакладна патрэбна, цяпер перад прапагандай стаіць задача ўлавіць, якім чынам зрабіць так, каб яму спадабалася».

Могуць адбыцца касметычныя змены

На думку Фрыдмана, хутчэй за ўсё прапагандысты ў хуткім часе атрымаюць ад Уладзіміра Пярцова больш канкрэтныя ўказанні.

Таму бліжэйшымі днямі будзе цікава паназіраць за перадачамі Азаронка, тэкстамі Мукавозчка і праўладным тэлеграм-каналам «Жоўтыя злівы». Трэба паглядзець, якую яны будуць выкарыстоўваць тэрміналогію.

«Мая тэза, што ўкраінцаў пачнуць менш абражаць, а вось на так званых «змагароў» гэта распаўсюджвацца не будзе, бо з імі можна рабіць што заўгодна.

Ілюстрацыйны здымак. Фота: «Наша Ніва»

Прапагандысты ўвогуле арыентуюцца на тую тэрміналогію, якую выкарыстоўвае Лукашэнка. А яму ўвогуле падабаецца слова «мярзотнікі», яны за ім паўтараюць у сваіх тэкстах, бо думаюць, што калі яны паўтараюць за Лукашэнкам, то дакладна не памыляюцца.

Таму ў дачыненні да «змагароў» нічога не зменіцца. Змены магчымыя толькі ў дачыненні да Украіны і ўкраінцаў, але касметычныя, бо што тычыцца Украіны, то беларуская прапаганда не робіць нічога арыгінальнага, а толькі паўтарае і выкарыстоўваюцца расійскія наратывы. Калі яны зменяцца ў Расіі, то зменяцца і ў Беларусі», — кажа Аляксандр Фрыдман.

Падсумоўваючы — можа змяніцца тэрміналогія, а не сутнасць.

Каментары2

  • Фан
    29.05.2024
    Малодчы сын Лукашэнкі - Коля Абельскі-Лукашэнка - напалову ўкраінец. Думаю з гэтым звязаныя такія заявы Лукашэнкі.
  • Айнене
    29.05.2024
    Фан, нет там украинской крови. Ни капли. Коля типичный цыган, уже лысеет.

У Беларусі змянілі правілы абмену валют. Тры галоўныя новаўвядзенні

У Беларусі змянілі правілы абмену валют. Тры галоўныя новаўвядзенні

Усе навіны →
Усе навіны

Панядзелак стаў самым гарачым днём у гісторыі назіранняў

«Востраў чысціні» канчаткова ліквідуецца1

Былую жонку спевака Руслана Мусвідаса таксама судзілі за пратэсты

Палітвязень Дзяніс Івашын прыслаў бацькам парады, як перажыць спёку: Ніякіх выхадаў у цяпліцу

50 дзецям адмовілі. У беларускамоўнай гімназіі Вільні замала месцаў, бацькі просяць набіраць больш класаў12

Ілан Маск заявіў, што згубіў сына з-за блакатараў палавога выспявання24

У Францішка Скарыны ў Празе скралі пяро — гэта здарылася не ўпершыню3

Замежнікі пішуць у сацсетках, што збіраюцца ў Беларусь па бязвізе. А іх упрошваюць перадумаць11

Паўла Латушку выклікалі ў польскую пракуратуру2

больш чытаных навін
больш лайканых навін

У Беларусі змянілі правілы абмену валют. Тры галоўныя новаўвядзенні

У Беларусі змянілі правілы абмену валют. Тры галоўныя новаўвядзенні

Галоўнае
Усе навіны →