Афіцыйны курс даляра ЗША без уліку дэнамінацый 1994 і 2000 гадоў 16 лютага дасягнуў 29.000.000 беларускіх рублёў, а 17 лютага складзе 29.050.000 рублёў.
Па ступені абясцэньвання нацыянальнай валюты да амерыканскага даляра (з 1991 года)
Беларусь застаецца лідэрам сярод краін былога СССР
— такі вынік праведзенага БелаПАН аналізу афіцыйных валютных курсаў на 16 лютага 2010 года без уліку грашовых рэформ.
За Беларуссю ў першай пяцёрцы размясціліся Туркменістан — 7.125.000, Грузія — 1.707.700, Узбекістан — 1.534.150 і Украіна — 800.200.
Далей ідуць Таджыкістан — 436.710, Арменія — 76.266, Казахстан — 74.040, Азербайджан — 40.165, Расія — 30.221, Малдова — 12.739, Кыргызстан — 8.960.
Замыкаюць спіс дзяржавы Балтыі: Літва — 250,78, Эстонія — 114,59 і Латвія — 103,4. Курс даляра ў самаабвешчанай Прыднястроўскай Малдаўскай Рэспубліцы, якая мае ўласную валюту, без уліку дэнамінацыі склаў 9.000.000 рублёў.
Такім чынам, беларуская валюта абясцэнілася ў адносінах да амерыканскага даляра ў 4,1 разу больш, чым валюта Туркменістана, у 17 разоў — Грузіі, у 19 разоў — Узбекістана, у 36,2 разу — Украіны, у 66,4 разу — Таджыкістана, у 380 разоў — Арменіі, у 392 разы — Казахстана, у 722 разы — Азербайджана, у 960 разоў — Расіі, у 2.277 разоў — Малдовы, у 3.237 разоў — Кыргызстана, у 115.639 разоў — Літвы, у 253.067 разоў — Эстоніі і ў 280.464 разы больш, чым валюта Латвіі. У выпадку з Прыднястроўем гэтыя суадносіны складаюць 3,2 разу.
Адзнаку 1 млн. беларускіх рублёў (без уліку дэнамінацый) афіцыйны курс даляра дасягнуў 17 снежня 1998 года, 5 млн. — 11 мая 2000 года, 10 млн. — 12 верасня 2000 года, 15 млн. — 26 кастрычніка 2001 года, 20 млн. — 3 красавіка 2003 года, 21 млн. — 16 верасня 2003 года, 22 млн. — 13 снежня 2008 года, 26 млн. — 2 студзеня 2009 года, 27 млн. — 27 студзеня 2009 года, 28 млн. — 13 лютага 2009 года, пасля чаго вагаўся, даходзячы ў ніжняй кропцы да 27,1 млн. — цяперашніх 2.710 рублёў (11 лістапада).
