Газета «Борисовские новости» ўганараваная прэміяй імя Герда Буцэрыюса «Свабодная прэса Ўсходняй Еўропы». Памер прэміі складае 15 000 еўра.
Яе прысуджае супольна нямецка‑нарвежская рада экспертаў. Штогод адзначаюцца смелыя журналісты й выданні з Расіі, Украіны. Беларусі, Каўказа. Як адзначаецца ў матывацыйнай частцы, «Борисовские новости» — гэта якасная газета, які мае вялікі наклад і смела піша пра палітыку.
Сапраўды, «Борисовские новости» – адно з нешматлікіх рэгіянальных выданняў, якое мае дыскусійныя палітычныя старонкі і дазваляе сабе крытыку як мясцовых, так і цэнтральных уладаў. Газета выходзіць на 48 старонках, а яе наклад дасягае 10 000 асобнікаў.
На прэмію яе вылучылі Асацыяцыя выдаўцоў рэгіянальнай прэсы, а таксама выданні «Наша Ніва» \ NN.BY, «Ежедневнік», «34» і Роджэр Патоцкі з Нацыянальнага фонду ў падтрымку дэмакратыі (ЗША).
0
0
0
0
0
0
