17‑гадовы жыхар Чачэрска абмяняў свой MP4‑плэер на абрэз паляўнічай стрэльбы. Як паведамілі ў прэс‑службе УУС Гомельскага аблвыканкама, гэта высветлілася падчас расследавання крымінальнай справы ў дачыненні да жыхара Cветлагорска 1986 года нараджэння, які абвінавачваецца ў хуліганстве.
Міліцыяй устаноўлена, што 17‑гадовы навучэнец ДПТВ у студзені 2010 года набыў у 19‑гадовага жыхара вёскі Чырвоны Бор Рагачоўскага раёна абрэз паляўнічай стрэльбы, абмяняўшыся з ім на прайгравальнік МР4. Гэты абрэз паляўнічай стрэльбы падлетак потым захоўваў у падвальным памяшканні дома ў Чачэрску, а затым бясплатна перадаў яго жыхару Светлагорска, які выкарыстаў абрэз пры ўчыненні злачынства.
Па заключэнні экспертызы, абрэз паляўнічай стрэльбы з’яўляецца гладрульнай агнястрэльнай зброяй, прыдатнай для стральбы.