Старшыня савета рэспублікі нацыянальнага сходу Беларусі (нешта накшталт сенату) Барыс Батура ўзяў удзел у пахаванні прэзідэнта Леха Качынскага.
З гледзішча польскіх парламентароў нацсход Беларусі – нелегітымны орган улады. Ці памяняўся пункт гледжання польскіх парламенатроў, пакажа тое, хто апекаваўся спадаром Батурам у Варшаве і Кракаве: сенатары, супрацоўнікі апарату сената Рэспублікі Польшча ці супрацоўнікі МЗС. Ці ўдзеліць свайму калегу колькі хвілін увагі маршалак Сенату Багдан Барусэвіч?
Чакаю, што на гэты конт паведамяць нам Аляксей Дзікавіцкі і Зміцер Гурневіч.
Ёсць у мяне смутная здагадка, што ў Польшчу паляцеў бы і самы галоўны ў Беларусі. Паляцеў бы, калі б яго запрасіў маршалак Сайму, в. а. прэзідэнта Браніслаў Камароўскі. Але ж пахаванне – не вяселле. На пахаванне не запрашаюць.
Сваёй паездкай у Варшаву і Кракаў Лукашэнка мог бы даць сігнал для перазагрузкі беларуска-польскіх адносінаў. Не даў.
