Кадр з фільма «Штучнае дыханне».
З 9 па 12 чэрвеня ў Мінску, у кінатэатры «Цэнтральны», адбудзецца паказ сучасных шведскіх мастацкіх фільмаў.
Сёння ў 18:30 у кінатэатры «Цэнтральны» пакажуць драму «Штучнае дыханне» («Mun mot mun») (2005) рэжысёра Б’ёрна Рунге. Гэта гісторыя маладой дзяўчыны Веры (Сафія Вэстберг), якая пакідае сваіх бацькоў і сыходзіць да гандляра наркотыкамі Моргана (Магнус Крэпер). Морган мёртвай хваткай утрымлівае дзяўчыну ля сябе, напампоўваючы яе наркотыкамі. Спробы бацькоў (Мары Рычардсан і Петэр Андэшан) вярнуць дачку не даюць аніякага плёну. Шлюб і ўсё іх жыццё паступова ідуць пад адхон.
У наступныя дні беларускім гледачам будуць прадстаўлены яшчэ тры поўнаметражныя стужкі шведскіх рэжысёраў: «Дазволь мне ўвайсці» (10 чэрвеня ў 18:30), «Шторм» (11 чэрвеня ў 18:30) і «Сонечны шторм» (12 чэрвеня ў 18:30).
0
0
0
0
0
0
