Гістарычны факультэт Беларускага дзяржаўнага пэдагагічнага ўнівэрсытэту імя Максіма Танка, катэдра славянскай ricторыі і мэтадалёгіі гістарычнай навукі, катэдра гісторыі Беларусі праводзяць Рэспубліканскую навукова-тэарэтычную канферэнцыю
«Беларусь у эпоху рэвалюцыйных узрушэньняў: да 100-годзьдзя выхаду ў сьвет газэты «Наша Ніва»
Канфэрэнцыя пройдзе 10 лістапада 2006 г.
Тэзісы паведамленьняў будуць выдадзеныя да пачатку работы канфэрэнцыі. Выдаткі на праезд, пражываньне i харчаваньне ўдзельнікаў бярэ на сябе камандзіруючая арганізацыя.
Рабочыя мовы канфэрэнцыі: беларуская, расейская, замежная (з паралельным перакладам на беларускую). Арганізацыйны ўзнос – 15 тыс. рублёў, якія дасылаюцца разам з матэрыяламі.
Апошні тэрмін дасылкі матэрыялаў – 20 кастрычніка 2006 г.
Афармленьне матэрыялаў:
1. Адпаведнасьць тэматыцы канфэнцыі.
2. Аб’ём - да 5 старонак электроннага тэксту праз 1,5 інтэрвалы на лісьце а4. Палі – 2,5 см зьверху, зьнізу і зьлева, 1,5 – справа. Тэкст тэзісаў набіраецца шрыфтам Times New Roman, памер – 14 пт.
3. Тэзісы прадстаўляюцца ў электронным выглядзе, падрыхтаваныя ў рэдактары Word для Windows. Яны павінны быць дасланыя на дыскеце (3,5), а таксама у надрукаваным выглядзе ў 2-х экзэмплярах (другі асобнік падпісваецца аўтарам у канцы тэксту).
Узор афармленьня:
Назва дакладу набіраецца вялікімі літарамі тлустым шрыфтам. Праз 2 інтэрвалы зьлева – прозьвішча і ініцыялы, справа – горад, установа.
Праз 2 інтэрвалы – тэкст дакладу. Спасылкі афармляюцца па тэксьце ў квадратных дужках. Пры гэтым указваецца нумар на спасылаемыя матэрыялы праз кропку з коскай, затым нумар ліста ці старонкі. Напрыклад, [4; с. 115]. Крыніцы і літаратура зьмяшчаюцца у канцы тэзісаў дакладу
Адрас аргкамітэта:
229809, Менск, вул. Савецкая, 18, корпус 1,пакой 71.
Катэдра славянскай гісторыі і мэтадалёгіі навукі
Тэлефон для даведак
(8-017) 227-82-35
8-029-757-81-29