Зборная Іспаніі стала апошнім чвэрцьфіналістам чэмпіянату свету па футболе, абыграўшы ў матчы 1/8 фіналу зборную Партугаліі з лікам 1:0.
 Зборная Іспаніі выйшла ў чвэрцьфінал |
На 63-й хвіліне гол забіў Давід Вілья.
Такім чынам у чвэрцьфіналах сустрэнуцца:
Пятніца, 2 ліпеня:
1. Бразілія – Галандыя (17:00)
2. Гана – Уругвай (21.30)
Субота, 3 ліпеня:
3. Аргенціна – Нямеччына (17:00)
4. Іспанія – Парагвай (21:30).
У паўфіналах 6 і 7 ліпеня сустрэнуцца пераможца 1 і 2 пары, 3 і 4-й пары адпаведна.
Матч за трэцяе месца пройдзе 10 ліпеня, фінал – 11 ліпеня.
***
Зборная Японіі развітваецца з мундыялем. Дарогу ў чвэрцьфінал ім перагарадзіў Парагвай.
На стадыі 1/8 фіналу сустрэча паміж камандамі Японіі і Парагвая была ці не самай сумнай. На полі мы бачылі мноства пазіцыйнай і сілавой барацьбы, але зусім мала небяспечных момантаў.
Японцам не давалі магчымасць скарыстаць іх фірмовую зброю — штрафныя ўдары. А Парагваю таксама не атрымлівалася закруціць атакуючую карусель ля варот суперніка.
Так каманды прамаяліся 90 хвілін. У дадатковы час парагвайцы мелі адзін выдатны шанец, але варатар Японіі выратаваў каманду.
Цана памылкі ў такія хвіліны намнога ўзрастала. Здаецца, гэта разумелі і каманды, якія вырашылі аддацца на лёс фартуне — 0:0.
Пераможца вызначаўся ў серыі пасляматчавых адзінаццаціметровых удараў.
Вырашальным аказаўся ўдар Юіці Камана, які бабахнуў у перакладзіну. Больш ніхто з футбалістаў не прамахваўся— 5:3 на карысць паўднёваамерыканцаў.
Парагвай упершыню ў сваёй гісторыі трапіў у чвэрцьфінал.
Супернік Парагвая вызначыцца сёння ў гульні Іспаніі і Партугаліі, якая пачнецца а 21:30. Трансляцыя па БТ.
