Свае патрабаванні кіраўнік урада выказаў 24 жніўня на пасяджэнні прэзідыума Савета міністраў, на якім разглядаліся вынікі рэалізацыі Праграмы развіцця малых і сярэдніх гарадскіх пасяленняў у першым паўгоддзі 2010 года.
У Беларусі, заявіў Сідорскі, створаны прывабныя ўмовы для развіцця бізнесу, аднак у малых і сярэдніх гарадскіх пасяленнях тэмпы яго развіцця недастатковыя. «Прыдарожны сэрвіс як не ішоў, такі і не ідзе, сэрвіс паслуг як не ішоў, так і не ідзе. Трэба разбірацца», — канстатаваў прэм’ер.
Для вырашэння праблемы Сідорскі прапанаваў чыноўнікам весці на месцах больш актыўны дыялог з прадстаўнікамі бізнесу наконт перапонаў, якія перашкаджаюць развіццю дзелавой актыўнасці. «Чыноўнікі збяруцца і абмяркоўваюць: чаго гэта бізнес не ідзе? Дык вы з бізнесам сустракайцеся. А то селі, чакаюць, калі хтосьці прыйдзе і будзе дапамагаць ім працаваць», — абурыўся кіраўнік урада.
Сідорскі таксама запатрабаваў ад чыноўнікаў прааналізаваць
«Мы стварылі нарматыўную базу, але ці задавальняе яна людзей на месцах?Сядзьце, вывучыце дакументы, якія дзейнічаюць на тэрыторыях, збярыце бізнес, паглядзіце, чаму не будуюцца кафэ, рэстараны, прыдарожны сэрвіс». Паводле слоў прэм’ера, у выпадку неабходнасці ў прававую базу могуць быць унесеныя змяненні. «Калі штосьці трэба паправіць — будзем правіць», — сказаў ён.
У якасці прыкладу Сідорскі нагадаў, што чатыры гады таму ў Беларусі налічваліся адзінкі аграсядзібаў, а сёння, адзначыў ён, «іх тысячы». «Таму што ўрад чатыры разы вяртаўся да гэтых пытанняў, прымаліся рашэнні на карысць гэтага сектара эканомікі», — дадаў прэм’ер.
Паводле слоў кіраўніка ўрада, «бізнес заўсёды пойдзе, калі яму будзе выгадна ствараць прадпрыемствы на гэтай тэрыторыі». «Чыноўнікі могуць напісаць 10–20 нарматыўных дакументаў, але калі бізнес будзе знаходзіць нейкія недахопы ў гэтых дакументах, ён ніколі не пойдзе працаваць у малыя гарады», — падсумаваў Сідорскі.
