Бліжэйшыя два тыдні будзе трымацца цёплае і вільготнае надвор’е,
паведаміла галоўны сіноптык Белгідраметэацэнтра Вольга Фядотава.
Сіноптыкі падкрэсліваюць, што тэмпература перавышае сярэдную шматгадовую тэмпературу на 1–8 градусаў.
«Прычына такога цёплага надвор’я звязана з тым, што на тэрыторыю краіны часцяком паступае паветраная маса міжземнаморскага паходжання. Такое на пачатку лістапада бывае прыкладна раз на 10 год. У прыватнасці, у 2000 годзе пачатак лістапада быў такім жа цёплым, як і сёлета».
На пачатку наступнага тыдня прагназуюцца перапынкі ў ападках і тэмпература будзе паніжацца да 0, але істотна надвор’е не зменіцца. У канцы лістапада, кажуць сіноптыкі, ёсць верагоднасць прарыву халодных паветраных мас на тэрыторыю Беларусі, і ападкі ўжо будуць у выглядзе снегу.
0
0
0
0
0
0
