З’езд БСДП прызнаны нелегітымным 7

Міністэрства юстыцыі прызнала нелегітымным з’езд Беларускай сацыял-дэмакратычнай партыі,

што праходзіў 10 кастрычніка. Пра гэта «НН» паведаў старшыня арганізацыі Анатоль Сідарэвіч.

Скаргу ў Мінюст падаў былы старшыня Анатоль Ляўковіч і яшчэ адзін чалавек.

Месяц Міністэрства займалася праверкай дакументаў з’езду.

Прэтэнзіі былі выказаны да таго, што не вылучаліся прадстаўнікі Гомельскай і Магілёўскай абласных арганізацый. Сідарэвіч кажа, што яны незарэгістраваныя, таму адпаведна і не было вылучэння.

Анатоль Сідарэвіч гаворыць, што цяпер давядзецца праводзіць новы з’езд партыі.

10 кастрычніка Сідарэвіч быў абраны новым старшынём замест Анатоля Ляўковіча. Апошні не пагадзіўся з такімі вынікамі.

ЗП

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ