1 снежня кандыдат у прэзідэнты Віталь Рымашэўскі знаходзіцца ў Бруселі, Андрэй Саннікаў і Яраслаў Раманчук рыхтуюцца да тэлевыступленняў, Рыгор Кастусёў і Уладзімір Някляеў праводзяць сустрэчы ў рэгіёнах, аведамілі ў штабах кандыдатаў у прэзідэнты.
Андрэй Саннікаў сёння правядзе шэраг сустрэч з журналістамі і членамі сваёй ініцыятыўнай групы. Апрача таго, кандыдат у прэзідэнты будзе рыхтавацца да выступлення на тэлебачанні, якое павінна адбыцца 1 снежня з 19.30 да 20 гадзін. «Саннікаў будзе выступаць у прамым эфіры», — зазначыў
Практычна ідэнтычная праграма на дзень у кандыдата ад Аб’яднанай грамадзянскай партыі Яраслава Раманчука. «Ён сустрэнецца з замежнымі журналістамі, а таксама будзе рыхтавацца да выступлення на тэлебачанні, якое павінна прайсці з 19.30 да 20 гадзін 2 снежня», — паведаміла кіраўнік
Кандыдат у прэзідэнты ад аргкамітэта па стварэнні партыі «Беларуская хрысціянская дэмакратыя» Віталь Рымашэўскі праводзіць у Бруселі шэраг сустрэч высокага ўзроўню ў Еўрапарламенце.
Кандыдат у прэзідэнты ад Партыі БНФ Рыгор Кастусёў сёння наведае Баранавічы (Брэсцкая вобласць), дзе ў 16 гадзін правядзе пікет на пляцоўцы каля Дома культуры, і сустрэнецца ў 18 гадзін з выбаршчыкамі ў Слоніме (Гродзенская вобласць) у кінатэатры «Мір».
Лідар кампаніі «Гавары праўду!», кандыдат у прэзідэнты Уладзімір Някляеў наведае сёння Магілёўскую вобласць. Ён правядзе сустрэчы з выбаршчыкамі ў Шклове, у раённым доме культуры з 14 да 17 гадзін па вуліцы Савецкая, 2, а таксама ў Горках з 18 да 21 гадзіны ў актавай зале Дома культуры сельскагаспадарчай акадэміі па вуліцы Інтэрнацыянальная, 1.
