Учора Віталь Рымашэўскі вырашыў паскардзіцца на кіраўніка Адміністрацыі прэзідэнта Уладзіміра Макея. У пракуратуру.
На мінулым тыдні Макей заявіў: «Мяне здзівіў яшчэ адзін кандыдат у прэзідэнты, які заклікае нас усіх жыць у адпаведнасці з хрысціянскімі запаветамі — не забі, не скрадзі, не хлусі. І ў той жа час мае знаёмыя працуюць у шостай гімназіі горада Мінска. Некалькі дзён таму, выступаючы там, ён заяўляе, што мы павінны выйсці на плошчу, і дзейнага прэзідэнта, калі ён не захоча сысці з гэтай пасады, можа спыніць толькі куля расійскага снайпера. Дык дзе хрысціянская мараль, дзе хрысціянскія запаветы ў гэтым плане?!"
Рымашэўскі (якога, мяркуючы па ўсім, і меў на ўвазе Макей) адхрысціўся ад усіх абвінавачанняў, заўважыўшы: «Уладзімір Макей як чыноўнік высокага рангу павінен разумець, што нельга давяраць плёткам, якія распаўсюджваюць хай і яго знаёмыя».
У распараджэнні «Свабоды слова» апынуўся запіс выступу Рымашэўскага ў той самай шостай гімназіі. Выступ сапраўды забойны (iншым кандыдатам можна павучыцца).
Але факт застаецца фактам — інфарматары Макея яго не падвялі. Вось даслоўна цытата з Рымашэўскага:«Я спадзяюся, да таго, хто называе сябе прэзідэнтам, вернецца розум, таму што ў яго два выбары: альбо расійская куля ў лоб, я вам шчыра кажу, кілера, так, альбо ён будзе размаўляць з намі і з Еўропай і пойдзе на дыялог і саступкі. Я спадзяюся на другое, што
