Сёньня а 18-й у Таліне на стадыёне «А. Ле Кок Арэна» адбудзецца таварыская сустрэча паміж нацыянальнымі зборнымі Беларусі і Эстоніі. Гэта будзе апошняя гульня беларусаў сёлета. У матчы з розных прычынаў ня зможа згуляць цэлы шэраг лідэраў зборнай: Віталь Кутузаў, Сяргей Штанюк, Аляксандар Кульчы. Таму з капітанскай павязкай зборную ўпершыню на поле выведзе паўабаронца лёнданскага «Арсэналу» Аляксандар Глеб.
Пакуль зборная Беларусі мае адмоўны паказьнік у матчах з эстонцамі: з трох сустрэч беларусы прайгралі дзьве. Ёсьць добрая нагода падраўняць балянс.
Матч у жывым этэры трансьлявацьме тэлеканал АНТ, а жыхары сталіцы змогуць убачыць трансьляцыю на галоўным экране Менску на Кастрычніцкай плошчы.
0
0
0
0
0
0
