Кіраўнік Адміністрацыі прэзідэнта Уладзімір Макей 30 снежня прадставіў дэпутатам Гомельскага абласнога савета на пазачарговай сесіі новага старшыню аблвыканкама Уладзіміра Дворніка.
Кажучы пра новага кіраўніка абласной вертыкалі ўлады, Макей сказаў: «Гэта патрэбны чалавек у патрэбны час на патрэбным месцы. Такія людзі зараз неабходны».
«Час цяпер няпросты. Калі хтосьці думае, што калі нам усміхаюцца нашы замежныя партнёры, то ўсё добра, я думаю, не варта спакушацца, бо часта яны хаваюць за спінай кулак. Сёння літаральна зубамі даводзіцца вырываць кожны бараль нафты, кожны кубаметр газу, зубамі біцца за кожны квадратны метр рынку для продажу нашай прадукцыі», — заявіў кіраўнік адміністрацыі.
Макей прывёў словы прэзідэнта пра тое, што «пасля распаду савецкай сістэмы і ўтварылася вялікая колькасць новых незалежных дзяржаў, кожная з гэтых дзяржаў кінулася наперад, імкнучыся хутчэй заняць нішу ў новай сістэме гандлёвых адносінаў». «Часта гэтыя дзяржавы паводзяць сябе не заўсёды прыстойна,
некаторыя бягуць, як ваўкі, загрызаючы на шляху сваіх сабратаў, раскідваючы ўсіх рукамі і локцямі.
Беларусь заўсёды паводзіла сябе годна, заўсёды была надзейным партнёрам, але гэта не азначае, што мы спакойна павінны глядзець на прыніжэнні, моўчкі цярпець палітычныя і эканамічныя ўдары, якія спрабуюць нам нанесці некаторыя нашы партнёры. Мы павінны адказваць адэкватна, але не агрэсіяй, а сваёй працай, дысцыплінай», — мяркуе Макей.
Ён перасцярог абласную вертыкаль: «Калі ў найбліжэйшыя
