Літва выступае за санкцыі не ў дачыненні да ўсёй Беларусі, а толькі ў дачыненні да канкрэтных асобаў,
сцвярджае дарадца прэзідэнта Літвы Далі Грыбаўскайце Дарус Сямашка.
18 студзеня ў інтэрв’ю Žinių radijas ён паўтарыў, выказаную раней пазіцыю прэзідэнта аб тым, што Літва не будзе блакаваць прапановы ЕС аб увядзенні забароны на ўезд для прадстаўнікоў беларускіх уладаў.
Абмежаванне ў выдачы візаў павінна датычыцца
толькі мэтавай групы беларускага грамадства.
«Санкцыі павінны ўжывацца супраць канкрэтных прадстаўнікоў улады, якія прымаюць рашэнні, удзельнічаюць у іх ажыццяўленні або распаўсюджваюць і абараняюць гэтыя рашэнні», — сказаў Сямашка.
«Прэзідэнт ясна сказала, што не падтрымлівае санкцыі супраць усёй краіны.(…) Падтрымлівае санкцыі ў дачыненні да тых, хто прыняў рашэнні, накіраваныя супраць дэмакратычнага грамадства, апазіцыі, а супраць краіны — не», — сказаў Дарус Сямашка.
0
0
0
0
0
0