Роўна год таму, у Мінскім планетарыі, Алесь Міхалевіч публічна абвясціў аб намеры балатавацца ў прэзідэнты Рэспублікі Беларусь. Піша Кастусь Лукашоў, удзельнік штаба Міхалевіча.Памятаю добразычлівую іронію і адкрыты скептыцызм прысутных тады ўдзельнікаў прэзентацыі, якіх прымусілі ў той дзень спачатку праслухаць лекцыю пра зорнае неба. І праўда: зусім малады чалавек, без партыі ці
А насамрэч, Міхалевіч здзівіў многіх. Нават не тым, што «нечакана» мабілізаваў даволі вялікую ў нашых рэаліях ініцыятыўную групу і даволі бадзёра сабраў 100 000 подпісаў. І не тым, як невыразна, на першы погляд, правёў агітацыйную кампанію. Здзівіў нават не тым, што насамрэч выявіўся пісьменным і моцным палітыкам, які дасягае сваіх амбіцыйных мэтаў і ўмела знаходзіць падтрымку і разуменне ў зусім розных людзей. Самым вялікім здзіўленнем для тых, хто дрэнна ведае Алеся, стала яго цвёрдасць. Цяпер, калі ён арыштаваны па надуманым абвінавачванні, цалкам відавочна, што
Міхалевіч перайграў ў палітычнай барацьбе рэжым, якому толькі заставаўся апошні сродак — грубая сіла.
Так што, нягледзячы на арышт і незаконнае ўтрыманне кандыдата ў прэзідэнты Рэспублікі Беларусь (прыстаўку «экс» яшчэ рана ставіць) Алеся Міхалевіча, гэта толькі пачатак яго палітычнага «палёту». У яго сапраўды ўсё атрымаецца!
П.С. Ініцыятыўная група Алеся Міхалевіча выказвае салідарнасць з усімі кандыдатамі ў прэзыдэнты Рэспублікі Беларусь і іх прыхільнікамі, якія трапілі пад рэпрэсіі рэжыму.
