БАТЭ заявіў трох гульцоў для ўдзелу ў Лізе Еўропы

У панядзелак мінуў апошні тэрмін дазаяўкі новых футбалістаў для ўдзелу ў плей-оф футбольнай Лігі Еўропы. Згодна з рэгламентам турніру, любы клуб меў магчымасць да 1 лютага ўключыць не больш за тры пачаткоўцы. БАТЭ скарыстаўся гэтым правам і папоўніў сваю афіцыйную заяўку абаронцам Маркам Сімічам (№ 22), паўабаронцамі Міхаілам Гардзейчуком (№ 11) і Філіпам Рудзікам (№ 77).

Акрамя гэтага, у заяўку каманды вернуты галкіпер Дзмітрый Іваноў (№ 33), паведамляе сайт барысаўскага клуба.

Матчы 1/16 фіналу Лігі Еўропы БАТЭ — ПСЖ (Парыж, Францыя) пройдуць 17 і 24 лютага. Гульня ў Беларусі адбудзецца ў Мінску на стадыёне «Дынама» і пачнецца, а 20-й гадзіне.

nn.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ