ХК «Дынама-Мінск» упершыню з пачатку сезона апусціўся на 9-ты радок у Заходняй канферэнцыі чэмпіянату Кантынентальнай хакейнай лігі -- cёння пераследчык «зуброў» ніжагародскае «Тарпеда» выйграла ў гасцях у екацярынбургскага «Аўтамабіліста» з лікам 3:2.
У «Тарпеда» цяпер 70 балаў, у «Дынама» — 68, прычым валжане маюць гульню у запасе.
«Дынама» засталося правесці тры гульні, усе тры — на «Мінск-Арэне».
16 лютага «Дынама» згуляе супраць чалябінскага «Трактара», 18-га — з «Салават Юлаевым» (Уфа), 20-га — супраць «Металурга» (Магнітагорск).
Каб трапіць у плей-оф, мінскаму клубу трэба перамагаць ва ўсіх трох матчах у асноўны час і спадзявацца на мінімум дзве паразы «Тарпеда» ў асноўны час.
nn.by
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ