ШОС ідзе: народ змусіў караля Іярданіі зволіць прэм’ера 4

Кароль Іярданіі Абдала II 1 лютага змяніў кіраўніка ўрада краіны. Новым прэм’ерам стаў Маруф Бахіт.

Бахіту даручана стварыць новы ўрад, які будзе займацца правядзеннем «сапраўдных рэформаў палітычнай сістэмы», скіраваных на дэмакратызацыю грамадства і падвышэнне ўзроўню жыцця.

На пасадзе прэм’ер-міністра Маруф Бахіт змяніў Саміра Рыфаі, які ўзначальваў урад ад 2009 года. 28 студзеня ў Іарданіі пачаліся народныя пратэсты з патрабаваньнем адстаўкі яго кабінета. Акрамя таго, пратэстоўцы патрабавалі рэфармаваць палітычны лад каралеўства, у прыватнасці — зрабіць пасаду прэм’ер-міністра выбарнай (цяпер кіраўніка ўрада прызначае кароль).

Паводле lenta.ru

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ