9 лютага ў НВЦ «Белэкспа», што па вуліцы Купалы, 27, адчыніўся 18-ты Мінскі кніжны кірмаш. У яго працы бяруць удзел прадстаўнікі 23 краін. Кірмаш будзе працаваць да 13 лютага.
Сёння на Кірмашы г.зв. VIP-дзень.
З уступным словам выступае міністр інфармацыі Алег Праляскоўскі.
Разам з Радзьковым і Праляскоўскім стужку пераразаў і пасол Германіі Крыстаф Вайль, яго краіна — ганаровы ўдзельнік кірмаша.
Мітрапаліт Тадэвуш Кандрусевіч сачыў за адкрыццём разам з журналістамі — яму не знайшлося месца сярод VIP-персон.
У афіцыйным беларускім павільёне Радзькоў з Праляскоўскім выпілі гарэлкі.
У кніжным кірмашы бяруць удзел 22 краіны.
Выдавецтва «Літаратура і мастацтва» сярод іншых прэзентавала і неўміручыя кнігі Анатоля Рубінава.
Асобныя павільёны ў першы дзень працы кірмаша засталіся без увагі.
Адкрылі 18-ты Мінскі міжнародны выставу-кірмаш міністр інфармацыі Алег Праляскоўскі, першы намеснік кіраўніка адміністрацыі прэзідэнта Аляксандр Радзькоў і пасол Германіі ў Беларусі Крыстаф Вайль.
Усе прамаўлялі па-руску, нягледзячы нават на беларускую мову вядучай.
Хаця Радзькоў заклікаў чытаць творы Багдановіча, Купалы, Караткевіча. І ўзгадаў колішнюю размову з Аляксандрам Лукашэнкам. Калі мянялася праграма па беларускай літаратуры, скарачалася, Лукашэнка спытаў у міністра адукацыі, навошта той гэта робіць. Маўляў, трэба, каб у школах чыталі класіку. Як апраўдаваўся Радзькоў, невядома. Ён не стаў дагаворваць да канца. Але, мяркуючы па выніках тых зменаў, знайшоўся, чым аргументаваць сваю пазіцыю.
У «ганаровай варце» за Праляскоўскім і Радзьковым стаялі неўязныя ў ЕС чыноўнікі: намеснікі міністра інфармацыі Лілія Ананіч і Ігар Лапцёнак, намеснік старшыні Цэнтрвыбаркама Мікалай Лазавік, старшыня Саюза пісьменнікаў Мікалай Чаргінец.
Генерал Чаргінец выступіў коратка. Ён не закрануў сітуацыю з паэтам Някляевым, але і апанентаў не крытыкаваў. А калі заўважыў у натоўпе журналістаў мітрапаліта Тадэвуша Кандрусевіча, паспяшаўся прадставіць яго,
і назваў главой каталіцкай царквы Філарэтам.
Пры аглядзе экспазіцый, чыноўнікі зайшлі на стэнд выдавецтва «Беларуская энцыклапедыя», дзе акрамя кніг была і гарэлка з агуркамі.
На гасцінным панадворку Радзькоў з Праляскоўскім узнялі па кілішку.
Сярод прысутных на выставе-кірмашы былі Пятро Краўчанка, былы міністр замежных спраў Беларусі, кіраўніца прэс-службы МУС Святлана Бароўская, паслы Літвы, Ізраіля.
Адразу пасля афіцыйнага адкрыцця выставы выявіўся і першы бестселер. Гэта кніга Юрыя Шаўцова «Об’едінённая нація. Феномен Беларусі». Тыя нешматлікая асобнікі, што засталіся ад выдання 2005 года, адразу раскупілі. «Колькі ні прывозім, заўжды прадаецца», – адзначылі прадстаўнікі расійскага выдавецтва «Еўропа».
Прысутнічаюць на выставе і кнігі Анатоля Рубінава, вершы з якіх ужо другі тыдзень актыўна абмяркоўваюцца ў інтэрнэце.
Праца кірмашу працягнецца да 13 лютага. Удзел у ім прымаюць выдаўцы з 23 краін. Ганаровым госцем сёлета з’яўляецца Германія. З праграмай мерапрыемстваў кірмашу можна пазнаёміцца тут.
