«Авіякампанія Гомельавія» аб’явіла на сваім сайце пра скасаванне з сённяшняга дня ўсіх рэйсаў.
Хто набыў квіткі, можа здаць іх там, дзе набыў, без страты ў грашах.
Двойчы на тыдзень дабрацца з Гомеля ў сталіцу можна было менш як за гадзіну — і гэта былі ўсе ўнутраныя пасажырскія авіярэйсы ў Беларусі. Пералёт каштаваў 46510 рублёў за квіток, самалёт прызямляўся ў «Мінску-1».
Летась на старэнькім АН-24 у Гомель і назад пашчасціла злётаць і нашаму карэспандэнту. Вялікі матэрыял з кароткага падарожжа, якое ўжо не паўтарыць, — Лётаць не страшна.
Гомельавія таксама злучала Брэст, Гродна, Мінск і Гомель з Калінінградам.