21 лютага моладзеваму актывісту Мікіту Ліхавіду выставілі канчатковае абвінавачаньне ва ўдзеле ў масавых беспарадках 19 сьнежня. Пра гэта са спасылкай на адваката паведаміла ягоная маці Алена Ліхавід. Санкцыя паводле гэтага абвінавачаньня — да 8 гадоў зьняволеньня.
«З 22 лютага сына пачнуць знаёміць з матэрыяламі справы. Пачуваецца Мікіта нармальна, на ўмовы ня скардзіцца, не разгубіўся, перадае прывітаньні сябрам», — паведаміла Алена Ліхавід.
Паводле такога ж артыкула, 293 частка 2, на мінулым тыдні ў Фрунзенскім судзе быў асуджаны на 4 гады калёніі строгага рэжыму ўдзельнік падзей 19 сьнежня Васіль Парфянкоў.
0
0
0
0
0
0
