4 сакавіка ў Віцебску адбылося падняцце на званіцу Свята-Успенскага кафедральнага сабора адзінаццаці званоў. Сярод іх — звон вагой каля 5,2 тоны. Яго вышыня і дыяметр — 2 метры, а вага чыгуннага языка — 180 кг. Як паведаміў журналістам настаяцель Свята-Успенскага кафедральнага сабора протаіерэй Міхаіл Мартыновіч, гэты звон — самы вялікі ў Беларусі. Усе званы былі адліты ў Маскве на заводзе «ЗІЛ» на сродкі расійскіх мецэнатаў.
Малебен у часе падняцця званоў узначаліў архіепіскап Віцебскі і Аршанскі Дзімітрый.
Паводле слоў айца Міхаіла, чакаецца, што падвешваць званы будуць у красавіку, з удзелам галоўнага званара Расіі Ігара Канавалава.
БелаПАН
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
