14 сакавіка ў Мінску пройдзе пасяджэнне Камісіі Мытнага саюза

14 сакавіка ў Мінску пройдзе пасяджэнне Камісіі Мытнага саюза. Беларускую дэлегацыю ўзначаліць намеснік прэм’ер-міністра Сяргей Румас, паведамляе прэс-служба Міністэрства замежных спраў.

Плануецца разгледзець пытанні, уключаныя ў парадак дня нечарговага пасяджэння Міждзяржаўнага саюза ЕўрАзЭС (вышэйшага органа Мытнага саюза) на ўзроўні кіраўнікоў урадаў, якое пройдзе ў Мінску 15 сакавіка.

Будуць таксама абмеркаваны пытанні, што тычацца праекта пагаднення аб супрацоўніцтве і ўзаемадапамозе ў мытных справах па пытаннях дзейнасці прадстаўніцтваў мытных службаў дзяржаў — членаў МС, інфармацыйнага забеспячэння кантролю мытнага транзіту на тэрыторыі краін МС.

Апрача таго, бакі разгледзяць пытанні «аб удасканальванні арганізацыі Камісіі Мытнага саюза, аб ліквідацыі патрабаванняў да беларускіх перавозчыкаў аб наяўнасці дазволаў па перавозцы грузаў у/з трэціх краін у межах мытнай тэрыторыі Мытнага саюза, а таксама аб інфармацыйным узаемадзеянні паміж транспартнымі службамі Беларусі і Расіі», паведамляе прэс-служба.

Анастасія Янушэўская, БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ