Пацярпелыя — жанчына і двое мужчын — з шматлікімі траўмамі дастаўленыя ў лякарню. У жанчыны ампутаваныя дзве нагі.
Здарэнне адбылася на перагоне паміж станцыямі «Баранавічы—Палескія» і «Баранавічы—Цэнтральныя» 13 сакавіка ў 22.20.
Як паведаміла старшы інспектар групы інфармацыйнага забеспячэння Баранавіцкага аддзела ўнутраных спраў на транспарце Галіна Пазняк, усе пацярпелыя — 40-гадовая жыхарка в. Арабаўшчына і двое гараджан, 24 і 29 гадоў, — былі нецвярозыя.
«Жанчына спатыкнулася і звалілася. Спадарожнікі спрабавалі дапамагчы ёй падняцца, але, мабыць, гэта ім не ўдалося. Мужчыны сталі цягнуць жанчыну, і ўся тройца трапіла пад цягнік», — распавяла Галіна Пазняк.
Пацярпелыя шпіталізаваныя. У мужчын медыкі канстатавалі чэрапна-мазгавыя траўмы. У жыхаркі Баранавіцкага раёна, акрамя іншых траўмаў, ампутаваныя дзве нагі.
Гэта здарэнне стала трэцім выпадкам траўміравання людзей чыгуначным транспартам на тэрыторыі Баранавіцкага рэгіёну з пачатку гэтагага года.
У выхадныя на тэрыторыі Беларусі адбылося яшчэ некалькі чыгуначных здарэнняў. У ноч з 12 на 13 сакавіка не перагоне Чэрвіна—Орша—Усходняя грузавым цягніком «Магілёў—Віцебск» быў смяротна траўмаваны 19-гадовы жыхар Аршанскага раёна.
Днём 13 сакавіка на станцыі «Негарэлае» аўтамашына «ВАЗ» выехала на неахоўны чыгуначны пераезд, абсталяваны спраўнай светлавой і гукавой сігналізацыяй. Легкавушка сутыкнулася з электрацягніком «Мінск—Брэст». У выніку сутыкнення лакаматыў і аўтамашына атрымалі механічныя пашкоджанні. Пацярпелых, на шчасце, не было.
Глядзі яшчэ: Рызыкуючы жыццём, вясковец выцягнуў пенсіянерку з-пад колаў электрычкі