Кітайскі ўрад пасьля свайго пасяджэньня 16 сакавіка вырашыў адкласьці зацьверджаньне пабудовы заплянаваных раней 28 АЭС у краіне.
«Мы павінны ў поўнай меры усьвядоміць сабе важнасьць і актуальнасьць ядзернай бясьпекі ды зрабіць бясьпеку прыярытэтам у разьвіцьці ядзернай энэргетыкі» — працытавала заяву кітайскага ўраду сёньняшняе выданьне International Herald Tribune.
Кітайскі ўрад таксама заявіў, што ўзроўні радыяцыі ў Кітаі застаюцца нармальнымі і што, паводле экспэртаў, вецер скіруе радыяцыю ад пацярпелай японскай АЭС у прэфэктуры Фукусіма на ўсход, на Ціхі акіян.
0
0
0
0
0
0
