Лукашэнка едзе ў Кіеў. Ці едзе Барозу? 13

Лукашэнка возьме ўдзел у мерапрыемствах да 25-годдзя аварыі на Чарнобыльскай АЭС. якія пройдуць у красавіку ў Кіеве

, паведаміў кіраўнік прэс-службы кіраўніка дзяржавы Павел Лёгкі.

Паводле яго слоў, цяпер вядзецца падрыхтоўка візіту ва Украіну.

20–22 красавіка ў Кіеве пройдзе саміт па пытаннях бяспечнага і інавацыйнага выкарыстання ядзернай энергіі і міжнародная канферэнцыя «25 гадоў чарнобыльскай катастрофы. Бяспека будучыні».

Раней Лёгкі пацвердзіў інфармацыю аб тым, што запрашэнне прыняць у іх удзел было атрымана на імя Аляксандра Лукашэнкі.

Беларускага кіраўніка запрасіў у Кіеў асабіста прэзідэнт Украіны Віктар Януковіч падчас сустрэчы на ​​саміце АБСЕ ў Астане.

Нагадаем, раней украінскае інфармагенцтва УНІАН са спасылкай на крыніцу ў Еўракамісіі ў Брусэлі паведаміла, што кіраўнік Еўракамісіі Жазэ Мануэль Барозу выставіў умову свайго ўдзелу ў канферэнцыі ў Кіеве адсутнасць на ёй Аляксандра Лукашэнкі.

У сваю чаргу Лёгкі падкрэсліў, што беларускі бок «зусім не цікавяць умовы», на якіх згодны прыняць удзел у канферэнцыі кіраўнік Еўракамісіі.

Пазней кіраўнік Адміністрацыі прэзідэнта Украіны Сяргей Лёвачкін паведаміў журналістам, што Беларусь і Расія на канферэнцыі будуць прадстаўленыя прэм’ер-міністрамі.

18 сакавіка прадстаўнік прэс-службы кіраўніка Еўракамісіі Леанор Рыбейра да Сільва паведаміла, што Барозу возьме ўдзел у канферэнцыі. «Барозу ужо пацвердзіў свой удзел у канферэнцыі», — адзначыла яна.

«Што тычыцца іншых удзельнікаў, то Украіна, як бок, які прымае, з’яўляецца адказнай за рассылку запрашэнняў І ўкраінскія ўлады выдатна ведаюць пра тое, якая пазіцыя Еўразвяза ў дачыненні да Беларусі.», — заявіла да Сільва.

БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ