25-гадовы танцор Павел Гулько ў момант выбуху ехаў на рэпетыцыю. Хлопец цяпер знаходзіцца ў2-й гарадской клінічнай бальніцы з аскепкавымі раненнямі ног.
— У метро я зайшоў на станцыі «Якуба Коласа» ў вагон, які быў проста пасярэдзіне цягніка. Я часцяком заходжу менавіта ў вагон пасярэдзіне, таму што там заўсёды менш людзей. Стаяў каля самых дзвярэй, слухаў музыку… На «Плошчы Перамогі» цягнік спыніўся, забраў людзей і паехаў далей. А на «Кастрычніцкай» адчыняюцца дзверы, я іду на платформу, і раптам раздаецца выбух! Я адчуў невялікі штуршок і тут жа паглядзеў уніз на свае ногі. Тое, што я ўбачыў, стала для мяне шокам! У мяне былі парваныя джынсы і праз дзіркі былі бачныя кавалкі мяса. Я агледзеўся — з правага боку ўсё было ў дыме, відаць былі людзі ў лужынах крыві. З левага боку перона ўсё было нармальна, хадзілі людзі — ніхто не разумеў, што адбылося. Я не адчуваў ні болю, нічога… Было толькі адно жаданне: выбрацца з метро. Я сам падняўся па эскалатары, выйшаў на вуліцу і выклікаў таксі, каб дабрацца да шпіталя, — расказаў «Камсамолцы»
Малады чалавек спадзяецца, што ў хуткім часе паправіцца і зможа танцаваць.
— Спадзяюся выйсці з лякарні праз тыдзень — не хачу прапускаць выступы. Але доктар сёння сказаў мне, што нічога абяцаць не можа, — кажа Павал.
АФІЦЫЙНА
— У нашай бальніцы многія пацыенты — маладыя людзі да 30 гадоў, — расказаў «Камсамолцы» галоўны доктар
