Дэпутаты Палаты прадстаўнікоў на пасяджэнні 12 мая прынялі ў першым чытанні папраўкі ў Кодэкс аб адміністрацыйных правапарушэннях.
Законапраект распрацаваны ў мэтах выканання ўказа прэзідэнта ад 1 лютага 2010 года «Аб мерах па ўдасканальванні выкарыстання нацыянальнага сегмента сеткі інтэрнэт».
Як паведаміў міністр сувязі і інфарматызацыі Мікалай Панцялей, аналіз заканадаўства «пацвердзіў неабходнасць устанаўлення адміністрацыйнай адказнасці за парушэнне асобных прадпісанняў указа і немэтазгоднасць устанаўлення крымінальнай адказнасці за такія парушэнні».
У прыватнасці, устанаўліваецца адміністрацыйная адказнасць у выглядзе штрафу для юрыдычных асоб і індывідуальных прадпрымальнікаў за ажыццяўленне імі дзейнасці па рэалізацыі тавараў, выкананні работ, аказанні паслуг на тэрыторыі Беларусі з выкарыстаннем інфармацыйных сетак, сістэм і рэсурсаў, якія маюць падключэнне да сеткі інтэрнэт і не размешчаны на тэрыторыі Беларусі і (ці) не зарэгістраваны ў вызначаным парадку; за парушэнне патрабаванняў заканадаўства па ажыццяўленні ідэнтыфікацыі абаненцкіх прылад і (ці) карыстальнікаў пры аказанні
Штраф за такія правапарушэнні будзе складаць ад 10 да 30 базавых велічынь.
