Пытанне аб скарачэнні тэрміну тэрміновай ваеннай службы з паўтара года да аднаго ў Беларусі больш не разглядаецца. Пра гэта журналістам 20 мая ў Мінску паведаміў начальнік галоўнага
Магчымасць скарачэння тэрміну службы абмяркоўвалася на працягу шэрагу гадоў з ініцыятывы Міністэрства абароны. Вывучаўся вопыт замежных дзяржаў. Нагадаем, супраць такога захаду выступала камандаванне ўнутраных войскаў МУС.
Паводле слоў Купрыка, ваенныя прыйшлі да высновы, што для атрымання ведаў і ўменняў ваеннаслужачымі паўтара года — гэта аптымальны тэрмін.
Павялічваць у Беларусі тэрмін службы да двух гадоў таксама не плануецца, гавораць ваенныя.
У адпаведнасці з законам «Аб вайсковым абавязку і вайсковай службе» для грамадзян, якія праходзяць тэрміновую ваенную службу па прызыве, устаноўлены наступныя тэрміны ваеннай службы:
— для тых, хто не мае вышэйшай адукацыі, — 18 месяцаў;
— для тых, хто мае вышэйшую адукацыю, — 12 месяцаў;
— для тых, хто прайшоў навучанне на ваенных кафедрах або факультэтах па праграмах падрыхтоўкі малодшых камандзіраў і здаў устаноўленыя праграмамі падрыхтоўкі экзамены, — 6 месяцаў.
