Вырашальны гол забіў абаронца Ягор Філіпенка.

Героем матчу з чэхамі стаў абаронца Ягор Філіпенка (нумар 21).

Ён сам не мог паверыць у сваю ўдачу (Ягор Філіпенка - нумар 21).

Заставалася выстаяць дзве хвіліны да канца матчу (Ягор Філіпенка - нумар 21).

Брамнік Аляксандр Гутар не раз ратаваў каманду на гэтым чэмпіянаце.

Брамнік Аляксандр Гутар (у жоўтай футболцы) зрабіў вялікі ўнёсак у перамогу.

Настаўнік Георгій Кандрацьеў, з залатога складу мінскага «Дынама» 90-х, прывёў зборную Беларусі да Алімпіяды.

І расчараванне пераможанага.

Пасля матчу — радасць.

Пасля матчу — радасць.

У Ольбаргу ў матчы за 3-е месца і пуцёўку на летнюю Алімпіяду 2012 года зборная Беларусі выйграла ў каманды Чэхіі з лікам 1:0. Беларусь першай з постсавецкіх краін трапіць на Алімпіяду. Ні Расія, ні Украіна такога гонару не дабіваліся. Каманда СССР удзельнічала ў Алімпіядзе ў Сеуле ў 1988 годзе, тады яшчэ пад кіраўніцтвам памятнага шмат каму трэнера Анатоля Бышаўца. Тады ў паўфінале савецкая каманда перайграла італьянцаў, а ў фінале — бразільцаў.

За гэты час змяніўся рэгламент спаборніцтваў. Сёння алімпійскія ўзнагароды аспрэчваюць моладзевыя каманды, якія атрымліваюць ўзмацненне ў выглядзе трох вопытных майстроў. Пуцёўкі ж у фінал разыгрываюцца на моладзевых кантынентальных турнірах. Еўропе адведзена ўсяго чатыры алімпійскія ліцэнзіі. Вось таму постсавецкія краіны і не праходзілі густага сіта адбору.

Чэхія — Беларусь — 0:1 (0:0).

Чэхія: Вацлік; Лецьякс (Каваржык, 13), Мазух, Чэлюстка, Ваха, Горжава, Дочкал, Гецаў, Сухі, Храмаста, Глоўшак (Козак, 46);

Беларусь: Гутар; Мацвейчык (Палякоў, 76), Паліцевіч, Філіпенка, Вераціла, Перапечка (Бага, 34), Сівакоў, Драгун, Няхайчык, Варанкоў, Скавыш (Рэкіш, 87).

Гол — Філіпенка, 88.

Папярэджанні: Ваха, Козак, Вераціла, Варанкоў, Скавыш. Гутар.

Выдаленне — Ваха.

Матч выйшаў даволі нудным — завялікая адказнасць ляжала на яшчэ маладых спартоўцах. У першай палове гульні ініцыятывай валодалі чэшскія футбалісты, а беларусы ў асноўным адбіваліся і вельмі рэдка пагражалі браме супернікаў. Пасля перапынку ход гульні змяніўся і ўжо каманда Георгія Кандрацьева стала насядаць. Пасля ж выдалення чэшскага футбаліста Вахі — ён падыграў сабе ў атацы рукой, а ўжо меў адно папярэджанне ў гэтай сустрэчы раней — беларусы захапілі ініцыятыву цалкам. У выніку беларусы дамагліся свайго — на 89-й хвіліне гульні Ягор Філіпенка забіў пераможны гол, які вывеў нашу каманду на Алімпіяду ў Лондане-2012.

Дарэчы, паводле правілаў чэмпіянату, бронзавыя медалі дастануцца і беларусам, і чэхам. А вось пуцёўка на Алімпіяду была толькі адна.

Да гэтага з прадстаўнікоў гульнявых відаў спорту толькі баскетбалісткі жаночай зборнай Беларусі дамагаліся права выступаць на Алімпійскіх гульнях. Яны занялі 6-е месца ў Пекіне-2008.

Сёння позна вечарам у Орхусе ў гульні за золата чэмпіянату Еўропы сустрэнуцца каманды Іспаніі і Швейцарыі. Беларускія аматары футбола могуць убачыць паядынак у жывым эфіры Першага тэлеканала, а 21.35. Швейцарцы, нагадаем, у выйгралі ў беларусаў у групе, а іспанцы — у паўфінале.

Беларуская федэрацыя футбола паведамляе, што нацыянальная моладзевая — будучая алімпійская — зборная Беларусі вернецца ў Беларусь заўтра 26 чэрвеня, у нядзелю, у Нацыянальны аэрапорт «Мінск-2». Рэйс В2-848 з Франкфурта прылятае, а 18.05.

Варта адзначыць, што беларускія фаны на трыбунах у Ольбаргу вывесілі гіганцкі бел-чырвона-белы сцяг.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру