Адзін з форумаў парталу tut.by прысьвечаны фальсыфікацыям выбараў. Пачалося ўсё з паведамленьня аднаго з наведнікаў, які разьмясьціў меркаваны мэханізм фальшаваньня выбараў. Паводле яго, фальшаваньне адбываецца на ўзроўнях старшыняў камісій і ў раённых адміністрацыях, і зафіксаваць гэтыя парушэньні дакумэнтальна цяжка — пакуль апазыцыя ня вернецца ва ўладу. Тыя факты, што маюцца ў праваабаронцаў, сьведчаць хутчэй пра перагібы на месцах, дзе старшыні камісіяў праявілі празьмерную ініцыятыву.
Цікава, што абсалютная большасьць удзельнікаў форуму лічыць, што выбары ў Беларусі фальшуюцца.
Як супрацьстаяць фальшаваньню выбараў? Ёсьць такое меркаваньне: «Законным шляхам нікуды ня трапіш, ніякі наш суд не паставіць пад сумнеў законнасьць абраньня Лукашэнкі. Але важна тое, што робіцца ў галовах грамадзянаў».