Шэсце ў Мінску, анансаванае малавядомай і малалікайінтэрнэт-супольнасцю «Нацыянальная бестэрміновая забастоўка», не адбылося. На анансаванае малавядомай сацсеткай шэсце ў Мінску прыйшлі толькі спецслужбісты.
Арганізатары «планавалі» 10 ліпеня з 19 да 20 гадзін хадзіць па кругавым маршруце вул. Бабруйская — пр. Незалежнасці — вул. Свярдлова — вул. Ульянаўская. Яны сцвярджалі, што маюць падтрымку вядомай групы «Рэвалюцыя праз сацыяльныя сеткі», аднак тая заявіла, што не мае да гэтай акцыі ніякага дачынення.
У раёне Прывакзальнай плошчы Менска ўвечары 10 ліпеня назіралася канцэнтрацыя супрацоўнікаў спецслужбаў. На вуліцы Кірава, каля дамоў з вежамі, стаялі два аўтобусы з невядомымі ў цывільным. Такія ж аўтобусы знаходзіліся на вуліцы Свярдлова і ў дварах. Невядомыя ў цывільным з рацыямі і без іх дзяжурылі ля выхадаў з метро і на некаторых прыпынках наземнага транспарту. Супрацоўнікі спецназу ў форме сагналі некалькі чалавек з парапетаў ля ўваходу на чыгуначны вакзал.
Абвешчаная акцыя цікавасці ў журналістаў не выклікала.
