Расце колькасць здарэнняў на чыгунцы 3

За першую палову 2011 года ў Беларусі на чыгуначных пераездах зафіксавана 23 дарожна-транспартныя здарэнні, што на 11 больш, чым за такі ж перыяд 2010 года

. Пра гэта паведаміў прэс-сакратар упраўлення ўнутраных спраў на транспарце МУС Аляксандр Марчанка.

У выніку гэтых аварый восем чалавек загінулі і пяць былі траўмаваныя.

За шэсць месяцаў 2010 года гэтыя паказчыкі былі адпаведна два і шэсць чалавек. Галоўнымі прычынамі трагедый Марчанка назваў няўважлівасць вадзіцеляў на чыгуначных пераездах, спешку, пераацэньванне сваіх магчымасцяў, узмоцненае алкаголем.

Паводле інфармацыі прэс-сакратара УУСТ, Беларуская чыгунка абслугоўвае 1.824 пераезды, 82 з якіх — ахоўныя, 1.218 — аснашчаны светлавой і гукавой сігналізацыяй.

БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ