Сітуацыя ў Беларусі стане адной з тэм
Трынаццатыя Кансультацыі на чале з канцлерам Ангелай Меркель і прэзідэнтам Расіі Дзмітрыем Мядзведзевым пачнуцца ў панядзелак увечары, а скончацца ў аўторак удзень. Як паведамілі крыніцы ў Берліне, падчас сустрэчы ў Гановеры будуць падпісаныя каля дзесяці кантрактаў.
Сярод тэмаў міжнародных перамоваў будзе таксама «магчымасць сумеснага ціску на прэзідэнта Аляксандра Лукашэнку, каб ён вызваліў палітычных зняволеных», — сказаў журналістам прадстаўнік федэральнага канцлера, які пажадаў застацца неназваным. Ён дадаў, што расійскія лідары могуць выкарыстоўваць свае кантакты з рэжымам Лукашэнкі, каб даць яму зразумець, што «яго падыход да правоў чалавека і дэмакратыі — гэта не шлях у будучыню», — паведамляе ПАП.
