«Жыццё — труба, а я манетка, што катаецца па ейных сценах»

Вядомая брытанская спявачка Эмі Уайнхаўс знойдзеная мёртвай у сваім доме ў Лондане. Лонданская паліцыя пацвердзіла Бі-бі-сі, што 27-гадовая спявачка памерла ў сябе дома ў Кэмдэне.

У службе хуткай дапамогі Бі-Бі-Сі заявілі, што ім паступіла тэлефанаванне ў суботу ў 15:54 па лонданскім часе.

На Кэмдэн-сквер былі адпраўленыя дзве машыны, аднак «выратаваць пацыентку не ўдалося». Расачата расследаванне,

пакуль паліцыя лічыць смерць спявачкі невытлумачальнай.

Вуліцы вакол дома спявачкі ачэпленыя: у паліцэйскіх кардонаў збіраюцца прыхільнікі творчасці Уайнхаус і рэпарцёры.

Паведамляецца, што яна памерла ад перадазіроўкі наркотыкаў.

Талент, скандал і праблемы

Вяртанне на сцэну пасля доўгага перапынку, выкліканага лячэннем ад алкагольнай залежнасці, скончылася скандалам. На першым канцэрце ў Бялградзе спявачку асвісталі, бо яна з цяжкасцю трымалася на нагах, не трапляла ў ноты і двойчы сыходзіла са сцэны.

З-за скандалу ў Сербіі наступныя еўрапейскія канцэрты былі адмененыя.

Апошні раз спявачка з’явілася на публіцы ў мінулую сераду, выйшаўшы на сцэну кэмдэнскай залы Roundhouse разам са сваёй хроснай дачкой Дыён Бромфілд.

У 2008 годзе Уайнхаўс перамагла ў пяці катэгорыях прэстыжнай прэміі «Грэмі».

Тады яна атрымала прэмію ў намінацыі «Найлепшы новы выканаўца», а яе сінгл Rehab быў прызнаны найлепшым запісам года і найлепшай песняй года.

Эмі Уайнхаўс памерла ў 27 гадоў.

У такім жа ўзросце пайшлі з жыцця заснавальнік Rolling Stones Браян Джонс, легендарны гітарыст Джымі Хендрыкс і не менш легендарная 27-гадовая спявачка Джэніс Джоплін, заснавальнік Doors Джым Морысан і лідэр Nirvana Курт Кабэйн.