Праз некалькі гадоў за 40 кіламетраў ад Варшавы будзе пабудаваны Дыснэйлэнд для турыстаў з краін Цэнтральнай і Усходняй Еўропы, якім больш нне трэба будзе ездзіць па забавы ў Парыж.
Як паведамляе BNS са спасылкай на Rzeczpospolita, будаўніцтва парку пад назвай Adwenture World Warsaw на плошчы 240 га разгорнецца ў наступным годзе. Адкрыццё парку запланаванае на 2014 год.
Парк будзе ўключаць два гатэлі, аквапарк, кінатэатры, рэстараны і клубы.
Па словах кіраўніка кампаніі Las Palm Петэра Малдера, штогод парк плануе прымаць па 2 мільёны гасцей. Будаўніцтва парку ацэньваецца ў 400 млн еўра, яго фінансуе кансорцыум прыватных прадпрымальнікаў з Люксембурга, піша DELFI.
Аднак Rzeczpospolita нагадвае, што гэта не першы такі праект у Польшчы. Ранейшыя заканчваліся толькі абяцаннямі.
0
0
0
0
0
0
