Апеляцыйны суд ЗША прызнаў неканстытуцыйным закон аб абавязковым медыцынскім страхаванні. Абама падтрымлівае гэты законі неаднаразова заяўляў, што закон не ўваходзіць у супярэчнасць з дзеючай канстытуцыяй.
Згодна з законапраектам, грамадзяне павінны ў абавязковым парадку набыць медыцынскую страхоўку. У адваротным выпадку ім пагражае штраф.
Рашэнне прыняў апеляцыйны суд 11-й акругі ЗША, які размяшчаецца ў Атланце. Згодна з рашэннем, Кангрэс перавышае свае паўнамоцтвы, патрабуючы ад амерыканцаў набыць страхоўку. Іншыя палажэнні закона застаюцца ў сіле.
Як чакаецца, законнасць абавязковага медыцынскага страхавання цяпер разгледзіць Вярхоўны суд ЗША.
Закон стаў самым значным і радыкальным новаўвядзеннем у галіне аховы здароўя з 1965 года. Медыцынскае страхаванне распаўсюджана на 32 млн чалавек. Абама мяркуе, што ў 20-гадовай перспектыве прыняцце закона дазволіць выйграць каля $ 1 трыльёна.
0
0
0
0
0
0