17-гадовы гродзенец вырашыў пакатаць на бацькавым аўто двух 18-гадовых дзяўчат.
Фота Gaigrodno.by
Трагічна скончылася для маладых гродзенцаў паездка па начным горадзе. У ноч на 26 жніўня 17-гадовы малады чалавек вырашыў пакатаць на бацькоўскім «Фольксвагене» двух 18-гадовых дзяўчат. У выніку ён не справіўся з кіраваннем і аўто збіла спачатку святлафор, затым дарожны знак, а потым з’ехала на правую ўзбочыну, дзе адарвалася ад зямлі і пратараніла асвятляльную апору. Дзяўчаты ў цяжкім стане трапілі ў рэанімацыю. Гора-кіроўца таксама шпіталізаваны. Паводле папярэдняй інфармацыі, у момант здарэння ён мог быць нецвярозым.
Уладальнік аўто, бацька хлопца, прызнае, што даў ключы ад аўто сыну. Але падкрэслівае, што толькі для таго, каб той мог паслухаць з сябрамі музыку.
ДАІ Гродна шукае сведкаў здарэння, звяртацца па тэлефонах: 8(0152)79-75-44 або 8(0152)79-75-05.