Крымінальная справа па артыкуле «масавыя беспарадкі» аб падзеях 19 снежня спыненая ў дачыненні да кіраўніка «Маладых дэмакратаў» Алега Корбана.

Ліст пра гэта ад следчага, капітана міліцыі Дышчанкі Алег Корбан атрымаў па пошце 26 жніўня.

У ім гаворыцца, што па частцы 1-й і 2-й артыкула 293 Крымінальнага кодэксу па факце ўчынення масавых беспарадкаў крымінальны пераслед адносна Алега Корбана спынены пастановай ад 23 жніўня 2011 года ў сувязі з адсутнасцю складу злачынства.

«Я лічу, што гэта рэакцыя ўлады на сённяшні крызіс. Улады вымушаныя былі гэта зрабіць у звязку са складанай сітуацыяй у эканоміцы. Напярэдадні былі вызваленыя палітвязні. Бачна, што ім нявыгадна трымаць людзей за кратамі», — сказаў Алег Корбан.

Алег сказаў, што цяпер зможа займацца грамадска-палітычнай дзейнасцю больш актыўна. Патрабаванне аб нявыездзе з Мінска на яго больш не распаўсюджваецца.

Сярод тых, хто гэтымі днямі атрымаў паведамленні аб спыненні крымінальнай справы, — журналістка Наталля Радзіна, старшыня Аб’яднанай грамадзянскай партыі Анатоль Лябедзька.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру