Старшыня Парламенцкай асамблеі Савета Еўропы (ПАСЕ) Рэне ван дэр Ліндэн наведае Беларусь 18‑20 студзеня. Візіт ажыццяўляецца па запрашэнню Нацыянальнага сходу Рэспублікі Беларусь, паведамілі БЕЛТА у прэс‑службе МЗС нашай краіны.
Асноўная мэта візіту ‑ абмеркаванне шляхоў развіцця канструктыўнага дыялога і супрацоўніцтва паміж парламентам Беларусі і Парламенцкай асамблеяй Савета Еўропы.
Запланаваны сустрэчы старшыні ПАСЕ з кіраўніцтвам Нацыянальнага сходу Беларусі, міністрам замежных спраў, упаўнаважаным па справах рэлігій і нацыянальнасцей, кіраўніцтвам праваслаўнай і каталіцкай епархій, кіраўніцтвам і студэнтамі Беларускага дзяржаўнага універсітэта, а таксама наведванне Нацыянальнай бібліятэкі Беларусі.
19 студзеня ў 15:00 у Нацыянальным прэс‑цэнтры плануецца прэс‑канферэнцыя Рэне ван дэр Ліндэна для беларускіх і замежных журналістаў.
