Загадчыца Аддзелам прававога супрацоўніцтва Дэпартамента міжнароднага права Міністэрства юстыцыі Літвы Андрада Бавеян за выдачу банкаўскіх дадзеных беларускага праваабаронцы Алеся Бяляцкага ўстановам Беларусі атрымала заўвагу і пазачарговую ацэнку кваліфікацыі.
Пра гэта ў пятніцу паведаміў міністр юстыцыі Рэмігіюс Шымашус, адзначыўшы, што падчас праверкі было ўстаноўлена, што загадчыцы
не хапіла ініцыятывы і праніклівасці.
Шымашус раней казаў, што за выдачу дадзеных аб Бяляцкім адказнымі могуць быць прызнаныя тры чалавекі, але кіраўнік Дэпартамента міжнароднага права Аўшра Бернацене сышла з пасады, а ў адной са спецыялістаў Аддзела прававога супрацоўніцтва, як прызнана, не было пастаянных абавязкаў прадастаўляць прававую дапамогу — яна адказвала толькі за прыём дакументаў і іх перадачу іншым.
На пытанне, ці не з’яўляюцца занадта мяккімі санкцыі, міністр юстыцыі падкрэсліў, што пазачарговая адзнака кваліфікацыі можа выклікаць больш цяжкія наступствы для загадчыцы аддзелам.
«Пасля праверкі кваліфікацыі чалавека могуць панізіць,а наогул, я магу парадавацца, што жыву не ў Беларусі, і санкцыі тут не прызначаюцца па палітычнай замове», — сказаў міністр.
Таксама палітык прызнаў, што
ў хадайніцтве аб прававой дапамозе Беларусі былі фармальныя неадпаведнасці, але такія неадпаведнасці здараюцца часта і не з’яўляюцца падставай для таго, каб адмовіць у прадастаўленні звестак па дамове аб прававой дапамозе.
Нагадаем, што Міністэрства юстыцыі Літвы пацвердзіла, што перадало дадзеныя Беларусі аб банкаўскіх рахунках актывістаў праваабарончай арганізацыі «Вясна» Бяляцкага і Стэфановіча ў Літве.
Перадачу інфармацыі крытыкуюць як палітыкі, так і праваабаронцы.
МЗС Літвы заявіў, што яшчэ ў чэрвені рэкамендаваў іншым установам Літвы не прадастаўляць дадзеныя Беларусі, бо яна можа быць выкарыстаная супраць апазіцыі, але міністр юстыцыі Шымашус сцвярджае, што МЗС «не абцяжарыў сябе тым, каб інфармаваць Мінюст, што ёсць зона рызыкі, звязаная з прадастаўленнем прававой дапамогі, і што да ўсіх хадайніцтваў Беларусі трэба ставіцца спецыфічна».
Акрамя гэтага, пачуліся сумневы ў тым, што
дырэктар Дэпартамента міжнароднага права Мінюста Аўшра Бернацене была неаб’ектыўнай. У мужа Бернацене ў Беларусі ёсць адвакацкая кантора, таму паўсталі сумневы, ці не замяшаныя тут асабістыя інтарэсы.Па словах Шымашуса, адказнасць за перадачу дадзеных, магчыма, прыйдзецца ўзяць на сябе яшчэ двум службовым асобам міністэрства.Пасля гэтага Бернацене звольнілася з пасады.
Дадзеныя аб Бяляцкім перадала і Польшча, міністр замежных спраў Радаслаў Сікорскі ўжо прынёс выбачэнні за гэта, а некаторыя службовыя асобы Генпракуратуры Польшчы былі звольненыя.
